तोंडात पाणी आणणारी भरल्या वांग्याची रेसिपी ...

भरली वांगी हि मध्य महाराष्ट्रातील एक सुप्रसिद्ध अशी डिश आहे. जी खूप चवीने खाल्ली जाते. 

त्या साठी लागणारे साहित्य खालील प्रमाणे :-

१) लहान - माध्यम आकाराची वांगी  ५-६,

२) तेल २ मोठे चमचे, 

३) चवी नुसार मीठ ,

४) पाणी गरजेनुसार

मसाल्यासाठी लागणारे साहित्य:-

१)सुक खोबरं अर्धी वाटी , 

२) तीळ २ चमचे ,

३)शेंगदाणे १ छोटी वाटी  ,

४)आलं - लसूण चवीनुसार , 

५) तिखट ३ चमचे ,

६)गरम मसाला २ चमचे  ,

७)हळद अर्धा चमचा  ,

८)धने पूड १ चमचा  ,

९)मीठ चवीनुसार  . 

कृती :-

१.सर्वप्रथम वंगांसाठी लागणार मसाला बनवून घ्यावा. 

 सुक्या खोबऱ्याचे बारीक तुकडे करून तव्यावर भाजून घ्यावे. त्या सोबतच तीळ, शेंगदाणेपण भाजून घ्यावे. 

२.  भाजल्या सर्व वस्तू मिक्सर मध्ये घालावयत , त्यामध्ये आलं -लसूण, मीठ, हळद , गरम मसाला , तिखट , धणेपूड हे सर्व मिक्सर मध्ये वाटून घ्यावे. या मध्ये पाणी घालू नये .  

३. सुके वाटण एका प्लेट मध्ये काढून घ्यावे. 

४. वांगी धुवून घ्यावीत. त्यांची देठ काढून टाकावीत, त्याना मधून चिरा माराव्यात त्यात थोड मीठ घालावे. 

 त्या वांग्यांमध्ये मसाला भरून घ्यावा .  उरलेला मसाला बाजूला ठेवावा. 

५. कढई गरम करावी, त्यात थोडे तेल टाकावे.  त्यामध्ये वांगी सोडावीत आणि झाकण ठेवावे. ५ ते १० मिनिट्स मंद आचेवर  शिजू द्यावी . 

६. वांगी शिजल्यावर त्यात गरजेनुसार पाणी घालावे त्यासोबत उरलेला मसाला घालावा . एक उकळी येऊ द्यावी. 

नंतर सर्व्ह  करावी .  

७. स्वद्दिष्ट  अशी भरली वांगी तयार आहेत . गरम गरम खावीत .