लाल बीटाचे चविष्ट आणि पौष्टिक पराठे

लाल बीटाचे पराठे 

मुलं बिट खायला तयार नसतात त्यामुळे असा पराठा करून दिला कि ते आवडीने खातात !!!

साहित्य :-

  1. एक मध्यम आकाराचे बीट

  2. एक बटाटा

  3. आले लसूण मिरची पेस्ट

  4. गव्हाचं पीठ दोन वाट्या

  5. बेसन पीठ एक वाटी

  6. तिखट सवयीनुसार

  7. मीठ,

  8  छोटा अर्धा चमचा हळद

  9. पाणी

कृती :-

•  प्रथम बीट आणि बटाटा वाफवून घ्यावे, गार झाल्यावर बीटाच छोटे तुकडे करून मिक्सर मधून काढून घ्यावेत. 
• उकडलेला बटाटा स्मॅश करून घ्यावा. बीट आणि बटाटा एकत्र करून घ्यावेत. 
• त्यामध्ये आले-लसूण पेस्ट, तिखट, चवीनुसार मीठ, धने-जिरे पावडर, बारकी दळलेले गव्हाचे पीठ व डाळीचे पीठ टाकून एकत्र मळून घ्यावे (लागला तर थोडं पाणी टाकावं)
• एकदम मऊसर पीठ मळून घ्यावे थोड्यावेळ मुरत ठेवावे. 
• नंतर त्याचे छोटे गोळे करून आपल्याला हवे तसे छोट्या आकाराचे मोठ्या करायचे पराठे लाटून तेलावर किंवा बटरवर शेकून घ्यावेत. 

आपले खुसखुशीत आणि चमचमीत पौष्टिक असे बीटाचे पराठे तयार आहे असं ही मुलं बिट खायला तयार नसतात त्यामुळे असं पराठा करून दिला आणि त्यावर बटर टाकले हे मुलं आवडीने खातात नक्की करून बघा